Gwyriadau dros dro

O bryd i’w gilydd mae angen dargyfeirio rhannau o Lwybr Arfordir Cymru dros dro – yn bennaf oherwydd rhesymau diogelwch y cyhoedd ar ôl tywydd garw, tirlithriadau neu waith adeiladu. Fodd bynnag, ein harwyddair yw, 'nid ydym byth ar gau' a dylai llwybr arall fod ar gael bob amser. Oes rhywbeth o’i le ar Lwybr Arfordir Cymru, gadwech i ni gwybod ar ein ffurflen Rhoi gwybod ar fater ymwneud a'r Llwybr

Map Rhyngweithiol

Mae'r map rhyngweithiol yn dangos yr wybodaeth ganlynol:

• Llwybr Arfordir Cymru fel llinell borffor 
• Gwyriadau i’r llwybr fel trionglau rhybuddio melyn

Mae gwyriadau dros dros i’r llwybr hefyd yn y tabl o wyriadau dros dro i’r llwybr ar waelod y dudalen hon a chânt eu rhestru gan yr awdurdod lleol yn nhrefn yr wyddor.

Rhagor o wybodaeth

Yn achos rhai o'r gwyriadau dros dro, ceir mwy o fanylion am natur y gwyriad. Mae'r rhain yn cael eu trefnu gan awdurdodau lleol gan ddechrau yn y gogledd i gyfeiriad y de.

Conwy

Gwyriadau Dros Dro Bae Cinmel

Mae’r dargyfeiriad ar St Asaph Avenue yn ei le tan 31 Ionawr 2026. O 1 Awst tan 31 Hydref 2025, bydd y darn 20 i 30 metr o Lwybr Arfordir Cymru’n cael ei ailagor dros dro am ddau fis. O Hydref 2025, bydd y dargyfeiriad ar waith eto tan i’r gwaith gael ei gwblhau ddechrau 2026. Gweld map dargyfeiriad St Asaph Avenue Bae Cinmel. (diweddarwyd 29 Gorffennaf 2025)

Gwynedd

Mae Pont yr Aber rhwng castell Caernarfon a pharc chwarae Caernarfon, sy’n groesfan dros Afon Seiont, ar gau o bryd i’w gilydd. Pan fydd hyn yn digwydd, dilynwch y llwybr amgen ar y map. Gallwch roi gwybod i Gyngor Gwynedd bod y bont ar gau (diweddarwyd 5 Gorffennaf 2022)

Bro Morgannwg

Byddwch yn ymwybodol fod yna hollt fawr ar hyd ymyl y clogwyn uwchben Traeth Mawr rhwng Southerndown a Nash Point ym Mro Morgannwg, sy'n debygol o ddymchwel yn y dyfodol. Mae'r Wardeiniaid wedi cau’r darn hwn ac mae digon o le i mewn i'r tir ar y cae i’w osgoi a pharhau ar hyd Llwybr Arfordir Cymru. Lleoliad yr hollt yw: https://what3words.com/future.interacts.reduction (Diweddarwyd 16 Ionawr 2026)

Castell-nedd Port Talbot

Y Ceiau, ger Aberafan

Mae llwybr gwreiddiol Llwybr Arfordir Cymru i’r gogledd o Aberafan bellach ar gau. Cafodd ei gau am resymau diogelwch o ganlyniad i ddymchwel ac mae wedi’i rwystro i’r cyhoedd yma What3words amlach.esmwythder.hylifau

Mae’r llwybr newydd yn dilyn cyfeiriad y gogledd ar hyd Rhodfa Purcell (ger Clwb Morwrol Aberafan ar y groesffordd gyda Rhodfa Ysgarlad) ac i gyfeiriad y de ar Ffordd Brunel ger swyddfeydd Cyngor Castell Nedd Port Talbot. Gweler y llwybr ar ein map rhyngweithiol (Diweddarwyd 8 Medi 2025).

Abertawe

Gwyriadau Dros Dro Cwm Ivy

Mae’r llwybr drwy Goedwig Cwm Ivy (llwybr troed LM4) wedi ailagor ar ôl cwblhau gwaith i dynnu coed heintiedig ym mis Rhagfyr 2025.

Mae’r llwybr ar hyd y morglawdd ger Cwm Ivy ar gau o hyd ers 2015 (llwybr troed LM1B) am fod nam yn y morglawdd rhwng Trwyn Whiteford tuag at Lanmadog. I barhau ar Lwybr Arfordir Cymru, dilynwch lwybr troed LM2B tua’r de ar Drwyn Whiteford i gyrraedd llwybr troed LM2A. 

O lwybr troed LM2A, ewch am y de tuag at bentref Cwm Ivy ac yna trowch tua’r dwyrain gan ymuno â llwybr troed LM4 drwy Goed Cwm Ivy. Yna gallwch ddilyn llwybr troed LM1A ar gyfer y llwybr llanw uchel neu lanw isel am y dwyrain. 

Gallwch weld map cyfredol o’r dargyfeiriad yma. Sylwch fod map y dargyfeiriad yn dangos rhifau’r llwybrau troed ond mae hefyd yn dal i ddangos bod y llwybr trwy Goedwig Cwm Ivy ar gau (sy’n anghywir). Bydd map wedi’i ddiweddaru yn dangos bod y llwybr trwy goedwig Cwm Ivy ar agor ar gael cyn gynted â phosibl. (Diweddarwyd 18 Rhagfyr 2025)

Tabl o Gwyriadau Cyfredol

Mae'r holl wyriadau i’r llwybr wedi'u rhestru yn y tabl gyda map o ble mae'r llwybr wedi'i ddargyfeirio gyda dyddiad gorffen lle bo'n bosibl.

Diweddarwyd ddiwethaf 20 Chwef 2026